Պարզվել է սպանվածի ինքնությունը. կա երկու ձերբակալված

65985_bՓետրվարի 22-ին` ժամը 22.30-ին, Արարատի մարզի Նորամարգ գյուղի մի բնակչից ոստիկանության Մասիսի բաժնում ահազանգ էր ստացվել, որ Նորամարգ գյուղի վերջնամասում գտնվող ջրատարում այրված դիակ կա: Մեկնած օպերատիվ խումբը պարզել էր, որ ջրատարում հայտնաբերված տղամարդու դիակն ամբողջությամբ եղել է այրված և հնարավոր չի եղել պարզել ինքնությունը:

Այս մասին հիշեցնում է ոստիկանությունը` տեղեկացնելով, որ ձեռնարկված օպերատիվ-հետախուզական և քննչական միջոցառումների շնորհիվ պարզվել է, որ հայտնաբերվածը 1982 թ. ծնված Գարիկ Արզունյանի դին է: Գ. Արզունյանը փետրվարի 13-ից ոստիկանության Արտաշատի բաժնի կողմից որոնվում էր որպես անհայտ կորած:

Ոստիկանության քրեական հետախուզության գլխավոր վարչության, Արարատի մարզային վարչության, Մասիսի և Արտաշատի բաժինների ծառայողները պարզել են, որ Գ. Արզունյանին, կենցաղային հարցի շուրջ վիճաբանության ժամանակ, փայտով գլխին հարվածելով սպանել և այրել է 1969 թ. ծնված Մայիս Խ.-ն, իսկ վերջինիս հանցակից, 1993 թ. ծնված Արսեն Մ.-ն պարտակել է հանցագործության հետքերն ու հանցագործությունը:

Մայիս Խ.-ն և Արսեն Մ.-ն ձերբակալված են:
Քննությունը շարունակվում է:

Դիտվել է 187 անգամ
 


Այս թեմայով