Չի բացառվում, որ «Լուսավոր Հայաստանը» միայնակ մասնակցի Երևանի ավագանու ընտրություններին

«Հրապարակ» թերթը գրում է.

««Լուսավոր Հայաստանում» քննարկում են՝ եթե համաձայնության չեկան Երևանի ավագանու ընտրություններին «Ելք» դաշինքով մասնակցելու վերաբերյալ, ապա իրենք կմասնակցեն մենակ։ Արդեն իսկ որոշվել է, որ ցուցակը կգլխավորի սոցապնախարար Մանե Թանդիլյանը, ով միակ կին պատգամավորն էր, որը ռեյտինգայինով Երևանի Ավան, Նոր Նորք և Քանաքեռ-Զեյթուն համայնքներն ընդգրկող թիվ 1 ընտրատարածքում հավաքել էր 4 հազար 500-ից ավելի ձայն։ Երևանի ավագանու «Ելք» խմբակցության ղեկավար Դավիթ Խաժակյանը դրական պատասխան տվեց հարցին՝ եթե «Ելք»-ով չմասնակցեն, միայնակ մասնակցելո՞ւ են։

Իսկ թե ինչ ֆորմատով՝ դեռ քննարկումներ են ընթանում։ Հարցին` ճի՞շտ է, որ Մանե Թանդիլյանի թեկնածությունն է քննարկվում, Խաչակյանն արձագանքեց.
«Քանի դեռ չկա վերջնական որոշում մասնակցության մասին, կոռեկտ չեմ համարի որևէ անուն տալ, առավել ևս՝ քննարկել»»։

Մանրամասները` թերթի այսօրվա համարում:

Այս թեմայով