Չինաստանը զգում է Հայաստանի կարիքը. Ռուսաստանը ջղաձգվում է

AR1A

Չինաստանի և Հայաստանի միջև այս մակարդակի ջերմ հարաբերությունները առաջին հայացքից զարմանալի են: Թվում է, թե Չինաստանը Հայաստանից որևէ մեծ օգուտ չպետք է ունենա:Լինելով աշխարհի գերտերություններից մեկը, Հայաստանից մեկնած պաշտոնյաներին ընդունում են այնպիսի բարձր մակարդակով, որ այդպիսի ընդունելության հայ պաշտոնյաների նույնիսկ բարեկամ Ռուսաստանում չեն արժանացնում:

Հայաստանը այնքան փոքր երկիր է Չինաստանի համար, որ դժվար թե պատճառը հայաստանյան շուկան գրավելը լինի: Չինաստանը ոչ բացահայտ, սակայն աջակցում է Հայաստանին նաև Արցախի խնդրում, դրա վառ ապացույցն է 2013 թվականին տարածված տեղեկությունը, որ Հայաստանը ձեռք է բերել չինական արտադրության նոր հրթիռային AR1A համակարգ, որը համարվում է ռուսական «Սմերչ» հայտնի համակարգի մոդեռնիզացված, 130կմ հեռահարությամբ տարբերակը: Այս տեղեկատվությունը որևէ կողմ պաշտոնապես չի հերքել: Իսկ ո՞րն է պատճառը:

Հայաստանի գլխավոր գրավականը ոչ թուրքական պետություն լինելն է: Չինաստանում ապրում են մոտ 40 մլն թյուրքալեզու ույղուրներ, որոնք անջատողական տրամադրված տարրեր են երկրում, նրանք Թուրքիայի երազած Մեծ Թուրանի ստեղծման երևակայական պլաններում մեծ դեր պետք է ունենան: Մեծ Թուրանը պետք է տարածվի Միջերկրական ծովից մինչեւ Խաղաղ օվկիանոս, Չինաստանից մինչեւ Հյուսիսային Կովկաս: Հայաստանը այս տարածքում սեպ է հանդիսանում թուրքական ցեղերի արանքում: Չինաստանը գիտակցելով այս ամենը ցանկանում է կանխել վտանգը իր սահմաններից մի քանի հազար կիլոմետր հեռավորության վրա: Իսկ Հայաստանը գտնվելով իսլամական երկրների մեջ՝ հզոր դաշնակցի կարիք ունի:

Ահա այստեղ է, որ Չինաստանի և Հայաստանի շահերը համընկնում են:

Այս մտերմության ֆոնին նկատվում է ռուսական կողմի խանդը։ Ինչպես գիտեք այս օրերին պաշտոնական այցով Չինաստանում է գտնվում ՀՀ պաշտպանության նախարար ՀՀ պաշտպանության նախարար Վիգեն Սարգսյանը։ Նախարարը նույնպես անմասն չի մնացել ջերմ ընդունելությունից։

Տեսնելով թե ինչպես են զարգանում հայ-չինական հարաբերությունները՝ ռուսական ԶԼՄ-ները փորձում են այս այցը որակել, ոչ թե այդքան կարևոր այց Հայաստանի համար, այլ շանտաժ Ռուսաստանին։

Օրինակ ռուսական РИА Новости լրատվականը հրապարակել էր մի հոդված, որը վերնագրվել էր այսպես. «В Китай за оружием: Армении стало мало российских “Смерчей” и “Искандеров”», սակայն չգիտես ինչու քիչ անց հոդվածը անհետացավ կայքից։

Թե  որն է Ռուսաստանի ճղաձգումներ պատճառը, թերևս դժվար չէ կռահել։

Հեղինակ Գոռ Դավթյան

 


Այս թեմայով