Home » ՔՈ ԽՈՍՔԸ » Շանթը ճիշտ է, քանի որ մի Լֆիկ Սամոն այսօր թքած ունի երկրի նախագահի ինստիտուտի վրա

Շանթը ճիշտ է, քանի որ մի Լֆիկ Սամոն այսօր թքած ունի երկրի նախագահի ինստիտուտի վրա

arm138364959991Շանթ Հարությունյանի կատարածը հեղափոխություն անելու փորձ չէր: Այստեղ տեղին է ասել հետևյալը. «Հեղափոխությունը պոռնիկ չէ, որ ով ցանկանա, նա էլ անի»:

Շանթը ՀՀ քաղաքացի է, որի համբերության բաժակը լցվել էր, և որը փոփոխություն էր ուզում: Փողոցում խոսացողներն այս իրավիճակին ասում են. «Նիդառազումեննի մոմենտ»:

Այսինքն, Շանթը և՛ ճիշտ է, և՛ սխալ:

Շանթը ճիշտ է, քանի որ Հայաստանն այլևս կործանման եզրին էլ չէ, Հայաստանն այլևս ընդունակ չէ իր քաղաքացիներին պահել: Շանթը ճիշտ է, որ երկրում փոփոխություններ են անհրաժեշտ, և Շանթը ճիշտ է, քանի որ տասը քաղաքացուց ինը մտածում են. «Բան անեմ, տենամ ինչ ա, ես դուրս եմ գնում, ստեղ չեն թողում մարդ տուն պահի»:

Շանթը ճիշտ է, քանի որ կա համատարած աղքատություն, կա կամայական արդարադատություն, կա կապիտալի թալան, չկա միջին խավ, կան մի քանի տերեր և կա աղքատ խավ: Շանթը ճիշտ է, քանի որ մի Լֆիկ Սամո այսօր թքած ունի երկրի նախագահի ինստիտուտի էլ, Ազգային ժողովի էլ, էլ չեմ ասում մնացած օղակների վրա: Շանթը ճիշտ է, երբ ասում է, որ մենք դառնում ենք ռսի ճորտ: Մի խոսքով, Շանթի մտահոգությունները կիսում եմ:

Բայց այն, ինչ տեղի ունեցավ երեկ, դա արդեն չունի ոչ մի բացատրություն: Շատերը ինձ կմեղադրեն, թե ես միայն ստատուս գրելուց բացի, այլ բան չեմ անում, դրա համար էլ տաք-տաք խոսում եմ, բայց կասեմ իմ կարծիքը:

Երեկվա իրադարձությունը ոչ թե հեղափոխության փորձ էր, ոչ թե հեղափոխություն, այլ պարզապես խուլիգանություն: Հեղափոխական ոչ մի ալիք չկար, որովհետև 100 հոգով կամ 1000 հոգով հեղափոխություն չեն անում:

Իսկ ոստիկաններին վիրավորելու փաստով կասեմ, որ նրանք էլ են հայ, նրանք էլ են քաղաքացի, նրանք էլ են եղբայր ու ծնող, նաև զավակ ու նաև մարդ:

Մարդը մնում է մարդ՝ անկախ նրանից՝ ոստիկան է թե կոշկակար:

Ժողովրդավարության ձգտող և ոչ մի լիդեռ կամ, քաղաքական սուբյեկտ, վառելու ջարդելու, փշրելու, սպանելու կոչ չի անում: Ժողովրդավարության ձգտող հեղափոխականը բոզեր ու գյոթեր չի ասում, և հանուն ժողովրդավարության ձգտողը ինքնաշեն պայթուցիկներ չի տրաքացնում, ոչ էլ բենզինով շշեր է վերցնում: Դրա համար եմ ասում, սա պարզպաես խուլիգանություն էր, մի քանի արարով:

Ի՞նչ կլինի այս ամենից հետո. Շանթը ու ևս մի քանի հոգի կդատապարտվեն, նաև կկոչվեն «հերոսներ» (մեր հասարակությունը սիրում է հերոսացնել գրեթե բոլորին), իսկ երկիրը կմնա նույն վիճակում, ինչպիսին եղել է:

Այս ամենը պետք է պարզապես դաս լինի իշխանություններին: Ժողովուրդն այլևս չի կարողանում ապրել: Կա՛մ աշխատեք, կա՛մ հեռացեք, թող նորերը գան:

Գրում է Հարություն Մկրտչյանը ֆեյսբուքյան իր էջում

Դիտվել է 341 անգամ
Untitled-1 copy - Copy - Copy