Նորընտիր ավագանին առաջին նիստը կհրավիրի հոկտեմբերի 10-ին

Երևանի ավագանու արտահերթ ընտրությունների նախնական արդյունքներն արդեն հայտնի են։ Նախնական տվյալների համաձայն, 65 անդամից բաղկացած ավագանիում «Իմ քայլը» կունենա 56 մանդատ, ԲՀԿ-ն՝ հինգ, «Լույս»-ը՝ չորս։

Կենտրոնական ընտրական հանձնաժողոն ընտրությունների վերջնական արդյունքները կհրապարակի քվեարկությունից հետո յոթերորդ օրը՝ սեպտեմբերի 30-ին։

«Երևան քաղաքում տեղական ինքնակառավարման մասին» օրենքը սահմանում է, արտահերթ ընտրությունից հետո նորընտիր ավագանու նիստը հրավիրվում է ընտրության արդյունքների պաշտոնական հրապարակումից հետո` 10-րդ օրը, այսինքն հոկտեմբերի 10-ին։

Երևան քաղաքի ավագանու կանոնակարգի համաձայն, նորընտիր Ավագանու լիազորությունների ժամկետը սկսվում է առաջին նիստի գումարման պահից: Այդ պահից ավարտվում է նախորդ Ավագանու լիազորությունների ժամկետը:

Ավագանու մարմիններն են՝ Քաղաքապետը, նրա առաջին տեղակալը, Ավագանու անդամները, Ավագանու խմբակցությունները և մշտական հանձնաժողովները:

Այս թեմայով