Նիկոլ Փաշինյանը ԵՏՄ-ից դուրս գալը սխալ է համարում

նիկոլԵս ԵՏՄ անդամակցությանը դեմ եմ քվեարկել, այսօր էլ ԵՏՄ-ին Հայաստանի անդամակցությունը համարում եմ քաղաքական սխալ, բայց ես նաեւ դեմ եմ, որ Հայաստանը ԵՏՄ-ից դուրս գալու ընթացակարգ սկսի: Այս մասին, այսօր՝ հունիսի 3-ին, Հայաստանի ԱԺ Արտաքին հարցերի մշտական հանձնաժողովում «ԵՏՄ-ին ՀՀ անդամակցության դադարեցման գործընթաց սկսելու մասին» օրինագծի քննարկման ժամանակ նշել է ՀԱԿ խմբակցության պատգամավոր Նիկոլ Փաշինյանը:
«ԵՏՄ անդամակցության ժամանակ ասվում էր, որ առաջին հերթին լուծվում է անվտանգության խնդիր, բայց այսօր մենք տեսանք, որ անվտանգության մտահոգությունները ոչ միայն լուծված չեն, այլեւ ավելի ահագնանում են հենց ԵՏՄ կոնտեքստում: Ասում եք՝ Մոլդովան, Ուկրաինան, Վրաստանը չեն անդամակցել ԵՏՄ-ին, արյուն է ծորում: ՀՀ արյունը չե՞ք նկատում, որ ուրիշների դարդն եք լացում»
Այդուհանդերձ, նա ասաց, որ դեմ է այսօր ԵՏՄ-ից դուրս գալու գործընթաց սկսելուն: «Փորձը ցույց է տալիս, որ արտաքին քաղաքական սխալները ուղղելու ամենաճիշտ ճանապարհն այդ քայլի 180 աստիճան հակառակ քայլն անելը չէ: ԱՄՆ նախագահ Բարաք Օբաման Իրաք Բուշի ներխուժումը համարեցին կատաստրոֆիկ սխալ, ոչ առանց հիմքի եւ զորքերը հանեցին այնտեղին, որի հետեւանքով ստացան այն, ինչ էսօր ստացան: Դա մեծ խնդիրներ է ստեղծել աշխարհի, այդ թվում ԱՄՆ-ի համար»,-ասաց նա:
Դիտվել է 160 անգամ
 


Այս թեմայով