Home » Real Politik » Մենք ձեզ սիրում ենք. Մահից չվախանաք, բանտից չվախենաք. Վարուժան Ավետիսյանի վերջին խոսքերը

Մենք ձեզ սիրում ենք. Մահից չվախանաք, բանտից չվախենաք. Վարուժան Ավետիսյանի վերջին խոսքերը

վարուժանՎերջին օրերին հաճախ ենք նկատում, որ համացանցում տարբեր միջոցներով փորձ է արվում խեղել«Սասնա Ծռեր» խմբի տղաների գործողությունների իմաստը: Շատ կարևոր էր լսել խմբի անդամ Վարուժան Ավետիսյանի վերջին խոսքերը ձերբակալությունից առաջ, որպեսզի հասկանալի լինի, թե տղաներն ինչ էին ուզումև հիմա ինչ ակնկալիքներ ունեն: Politik.am-ը ներկայացնում է ձերբակալությունից առաջ Վարուժան Ավետիսյանի վերջին խոսքերը.«Մեք հզոր պետականություն ենք կերտելու: Մենք չպետք է գուբեռնիա դառնանք ինչ-որ մեկի տակ:

Մենք մեր գործն արել ենք, մնում է մեր ժողովուրդը իր գործն անի, պայքարը շարունակի և գործը ավարտին հասցնի: Մենք մեր միսիան այս փուլում ավարտել ենք, հիմա գնում ենք բանտ և ռազմագերու կարգավիճակով շարունակելու ենք պայքարը` այնտեղից:

Մենք մեր ժողովրդի հետ միասին ենք լինելու: Չարտագաղթեք, չկոտրվեք: Ձեր ոգին թող անկոտրում լինի, սիրելի ժողովուրդ: Երբեք մի միլիմետր չընկճվեք: Մահից չվեխանաք, բանտից չվախենաք: Այն ժողովուրդը, որ չի վախենում մահից և բանտից, արդեն հաղթել է:

Մենք այնտեղից սրտատրոփ սպասելու ենք ձեր պայքարին: Հանկարծ չդավաճանեք մեր ընդվզմանը: Հորդորում և խնդրում ենք ձեզ, շարունակեք պայքարը: Մենք ձեզ սիրում ենք: Սերն է մեզ մղել այդ արարքին: Չլքեք պայքարը: Չի կարելի դավաճանել այս ամեն ինչին, ինչ եղավ: Ժողովրդական ընդվզման ալիքը սրբել-տանելու է ամեն ինչ, մաքրելու է երկրը կեղտից և մենք ունենալու ենք հզոր, ազատ ու անկախ պետականություն:

Մենք ունենք արտաքին լուրջ խնդիրներ,ունենք Արցախի հարց, ունենք իշխանության խնդիր, Նախիջևանի վերահայացման խնդիր ունենք դեռ առաջին փուլում, Քուռ-Արաքսյան հանրապետությունը մեզ է սպասում, սիրելի ժողովուրդ: Ժողովրդի վստահությունը վայելող կառավարություն և ազգային ծրագրերի իրականացում:

Վերջ այս արարին, սպասենք հաջորդ արարին: Սպասուոմ ենք մեր ժողովրդի վճռական քայլերին և հավատում ենք մեր շուտափույթ հաղթանակին: Ի գործ, ի պայքար, ի զեն»:

Դիտվել է 3,319 անգամ
Untitled-1 copy - Copy - Copy