Home » ՆԵՐՔԻՆ ԿՅԱՆՔ » Մեզ համար առաջնահերթը մեր երեխաների առողջությունն է. Տարոն Մարգարյան

Մեզ համար առաջնահերթը մեր երեխաների առողջությունն է. Տարոն Մարգարյան

4e6457e496558f296c71edc03060098414a389bbԵրևանի քաղաքապետարանում այսօր տեղի ունեցած աշխատանքային հերթական խորհրդակցության ժամանակ քաղաքապետ Տարոն Մարգարյանն աշխատակազմի կոմունալ վարչությանը և 12 վարչական շրջանների ղեկավարներին հանձնարարել է կազմել ձմռան նախապատրաստական համալիր աշխատանքների ծրագիրը: Աշխատակազմի կրթության, առողջապահության, մշակույթի վարչություններին, ինչպես նաև 12 վարչական շրջանների ղեկավարներին էլ հանձնարարվել է ուսումնասիրել մասնավորապես քաղաքապետարանի ենթակայության նախադպրոցական, կրթական, մշակութային և առողջապահական հաստատությունների կաթսայատներն ու ջեռուցման համակարգերը նախապատրաստել վերագործարկման:
«Դեռ նախորդ տարի եմ այս հարցի հետ կապված նշել, որ մասնավորապես կրթօջախների ջեռուցման սեզոնի մեկնարկի պայմանական ժամկետ սահմանելն անընդունելի է: Ակնհայտ է, որ բարձրադիր վարչական շրջաններում ավելի վաղ է սկսում զգացվել սառնությունը, ուստի ավելի վաղ էլ պետք է մեկնարկի ջեռուցման սեզոնը: Ըստ այդմ, արդեն իսկ սկսեք համապատասխան ուսումնասիրություններն ու վերացրեք հնարավոր թերությունները և ջեռուցման համակարգերը բերեք վերագործարկման պատրաստ վիճակի: Մեզ համար առաջնահերթը մեր երեխաների առողջությունն է, այլ ոչ թե ինչ-որ պայմանականություններ», – ընդգծել է Տարոն Մարգարյանը:

Երևանի քաղաքապետարանի տեղեկատվության
և հասարակայնության հետ կապերի վարչություն

Դիտվել է 87 անգամ
Untitled-1 copy - Copy - Copy