Հրդեհ՝ Տրանսպորտի նախարարության շենքում

Հունվարի 26-ին՝ ժամը 08:11-ին, «911» ծառայությանը տեղեկություն է հաղորդվել, որ Երևան քաղաքի Վազգեն Սարգսյան փողոցում Տրանսպորտի, կապի և տեղեկատվական տեխնոլոգիաների նախարարության շենքի 2-րդ և 3-րդ հարկերից ծուխ է նկատվում, հայտնում են ԱԻՆ լրատվական ծառայությունից:

Հրդեհի բարդության «թիվ 2» կանչով դեպքի վայր են մեկնել ԱԻՆ ՓԾ հրշեջ-փրկարարական ջոկատից վեց մարտական հաշվարկ և Ճգնաժամային կառավարման ազգային կենտրոնի արտակարգ իրավիճակների արձագանքման խումբը:

Պարզվել է, որ հրդեհը բռնկվել է սենյակներից մեկում:

Հրդեհը մեկուսացվել է ժամը 08:32-ին, մարվել՝ 08:37-ին:

Գրասենյակում մասամբ այրվել են սեղան և պահարան, մանրահատակ՝ մոտ 0.5 քմ և ջերմահարվել՝ սառնարան: Հրդեհի հետևանքով տուժածներ չկան:

Այս թեմայով