Home » ՄԱՄՈՒԼ » Հրազդանի գործող քաղաքապետը բավական լարված է

Հրազդանի գործող քաղաքապետը բավական լարված է

maxresdefault (2)«Հայկական ժամանակ» թերթը գրում է. «Հրազդանի գործող քաղաքապետ։ Արամ Դանիելյանը մոտ մեկ ամիս առաջ եղել է Սերժ Սարգսյանի մոտ: Դանիելյանը ցանկացել է Սարգսյանի «դաբրոն» ստանալ ապրիլի 17-ին կայանալիք ընտրություններում առաջադրվելու եւ «հաղթելու» համար:

Ինչպես փոխանցում են մեր աղբյուրները, իր ակնկալիքը գործող քաղաքապետը չի ստացել: Սերժ Սարգսյանի պատասխանը եղել է հետեւյալը՝ եթե կարող ես, ընտրվիր: Դանիելյանի մերձավորներից ստացված տեղեկությունների համաձայն, նա այժմ բավական լարված է եւ փորձում է մոբիլիզացնել իր շրջապատին:

Տեղեկություններ կան, որ Դանիելյանը նաեւ նախընտրական շտաբ է ձեւավորում, իսկ շտաբի պետը հնարավոր է, որ լինի Կոտայքի փոխմարզպետներից մեկը:

Հիշեցնենք, որ Հրազդանի քաղաքապետի ընտրություններում առաջադրվելու է նաեւ Սասուն Միքայելյանը: Ինչպես հայտարարվել է, վերջինիս շտաբի պետը լինելու է ԱԺ պատգամավոր Նիկոլ Փաշինյանը:

Առավել մանրամասն՝ թերթի այսօրվա համարում:

Դիտվել է 121 անգամ
Untitled-1 copy - Copy - Copy