Home » ՄԻՋԱԶԳԱՅԻՆ » Հոգեբուժարանում հիվանդին խոզի կեր են տվել

Հոգեբուժարանում հիվանդին խոզի կեր են տվել

gjer41Օրեր առաջ մամուլը գրել էր փաստաբան  Տիգրան Հայրապետյանի դեմ հարուցված քրեական գործի մասին, որի մեղավորն այս դեպքում քաղաքացի Ջուլիետա Ամալիկյանն էր: Այս անգամ անդրադարձ ենք կատարում հոգեբուժարանի կողմից Ամալիկյանի դեմ կատարված գործողություններին:

Մինչ Տիգրան Հայրապետյանը ապացույցներ կգտներ Ջուլիետա Ամալիկյանին հոգեբուժարանից հանելու համար, նա մեկ ամիս հարկադրաբար «ապրել»  է Ավանի հոգեբուժարանում:

Ջուլիետա Ամալիկյանը հայտարարել է, որ իրեն հոգեբուժարանում ընդհանրապես բժշկական օգնություն չի ցուցաբերվել և ոչ մի հետազոտություն չի իրականացվել: Մինչդեռ գործում եղել է եզրակացություն 4 հոգեբուժների կողմից ստորագրված, ըստ որի Ամալիկյանը փորձաքննություն է անցել և հոգեկան խնդիրներ է ունեցել: Դատարանին ուղարկված ծանուցման մեջ եղել է ընդհանրապես 2 նախադասություն: Ամալիկյանի փաստաբանը նշում է, որ մեր երկրում  անձին հարկադիր բուժման ենթարկելու նորմերը շատ կամայական են:

Ամալիկյանը պատմել է, որ իրեն որևէ բուժման չեն ենթարկել, նա որևէ դեղորայք չի օգտագործել, նրան չեն զննել: Մեկ ամիս շարունակ չի ունեցել սեփական մահճակալ, քնել է ճաշարանում դրված բազմոցին՝ (փայտյա իշաոտնուկին) 30-40սանտիմետրանոց, մեկ ամիս շարունակ նրան զբոսանքի չեն հանել, և այդ ամառվա ամսվան՝ հունիս, նա չի լողացել:

Հիգենիայի պարագաներ չեն տրամադրել, իսկ ուտելիքը եղել է սարսափելի՝ Ամալիկյանի խոսքով եղել է խոզի կեր՝ դույլերով, որի արտաքին մասը՝ կեղտոտ: Այս  ամենից հետո դիմելով դատարան բազմաթիվ առերեսումներ են եղել, որի արդյունքում պարզվել է, որ իսկապես Ամալիկյանի դեմ նման վերաբերումք է ցուցադրել: Այս դատական գործընթացը, այժմ կիսատ է մնացել, քանի որ դատաբժշկական փորձաքննություններից մեկի ժամանակ փաստաբան Տիգրան Հայրապետյանի դեմ քրեական գործ է հարուցվել «սադրիչ հարցեր տալու և չափից ավելի միջնորդությունների համար»:

Սա առաջին դեպքը չէ, երբ հոգեբուժարաններում  նման կերպ են վարվում հիվանդների հետ, հաճախ բողոքներ են հնչում նաև քրեակատարողական հիմնարկներ վերաբերյալ: Սակայն պատկան մարմիններն ամենայն հպարտությամբ նշում են, որ այդտեղ ամեն ինչ նորմալ է մարդիկ սնվում են ինչպես հարկն է, սակայն խոստովանում են, որ տեղերի սահմանափակման խնդիր կա: Միևնույն ժամանակ չեն խոստովանում, որ համակարգը փոխելու խնդիր կան, ինչը չի արվում ինչ-ինչ պատճառներով:

Աղբյուրը այստեղ

Դիտվել է 90 անգամ
Untitled-1 copy - Copy - Copy