ՀՀԿ-ում Կարապետյանի դեմ արշավի սկզիբը դրվել է. վարչապետը կարող է մինչև ապրիլ հեռանալ

ՀՀԿ-ում արդեն իսկ կոնկրետ որոշում է կայացվել ոչնչացնել Կարեն Կարապետյանի քաղաքական հավակնությունները: Ապրիլ ամսին կարճ ժամանակ է մնացել ու ՀՀԿ-ականները պետք է հասցնեն մինչ այդ այնպես անել, որպեսզի Կարապետյանը անգամ մտքի ծայրով չանցկացնի մնալ վարչապետի պաշտոնին:

Մեր տեղեկություններով ՀՀԿ-ականներին նույնիսկ ազատություն է տրված ազատորեն քննադատել կառավարության գործունեությունը: Իսկ ահա ամենակարևոր դերակատարումը կունենան մերձիշխանական լրատվամիջոցները: Այդ լրատվամիջոցները անգամ եղանակային անոմալիաները պետք է կապեն վարչապետ Կարեն Կարապետյանի անվան հետ և ամեն պահի նրան անհարմարություն պետք է պատճառեն:

Եվ ահա առաջին պտուղները արդեն իսկ երևում են: Իշխանություններին մոտ կանգնած մի շարք լրատվամիջոցներ սկսել են Կարեն Կարապետյանի անվան հետ կապել երկու ոստիկանների մահվան պատճառ դարձաձ քրեական հեղինակություն Ճվճվ Արոյի որդուն: Ըստ իշխանական լրատվամիջոցների, հենց Կարապետյանն է քրեական հեղինակության որդուն տարիներ շարունակ ազատել քրեական պատասխանատվությունից: Սակայն արդարության համար պետք է նկատել, որ նշված անձը քրեական պատմությունների կիզակետում էր Կարեն Կարապետյանի վարչապետ դառնալուց դեռ շատ ժամանակ առաջ:

Կարեն Կարապետյանի հեղինակազրկման համար ամենապարարտ հողը ստեղծել են թանկացումները: Հանրությունը իսկապես հոգնել է սոցիալական ծանր վիճակից և, եթե «Ելք» դաշինքին հաջողվի հունվարի 19-ին թանկացումների դեմ բողոքի դուրս բերել հազարավոր քաղաքացիների, ապա Կարապետյանը կարող է անգամ մինչև ապրիլ հրաժարվել իր պաշտոնից ու գնալ Մոսկվա մասնավոր սեկտորում աշխատելու:

Այս թեմայով