Հետախուզում է հայտարարվել Գագիկ Բեգլարյանի թիկնապահների մասնակցությամբ տեղի ունեցած ծեծկռտուքի մասնակիցներից մեկի նկատմամբ

Գագիկ Բեգլարյանը «շուստրի» առաջարկ է արել տաքսու վարորդներին«Տրանսպորտի և կապի նախարար Գագիկ Բեգլարյանի թիկնապահների մասնակցությամբ մայիսի 16-ի տեղի ունեցած ծեծկռտուքի գործով մեկ անձի նկատմամբ հետախուզում է հայտարարվել։ Խոսքը Արսեն Կարախանյանի մասին Է, որը Բեգլարյանի թիկնապահների հետ մասնակցել Է նախարարության բակում տեղի ունեցած ծեծկռտուքին։
Հետախուզման մասին տեղեկությանը մեր զրույցում հաստատեցին ՀՀ քննչական կոմիտեից հավելելով, որ քննիչը երեկ որոշում Է կայացրել Ա Կարախանյանին ներգրավել որպես մեղադրյալ ՀՀ քրեական օրենսգրքի 112 հոդվածի 2-րդ մասի 6-րդ կետով (դիտավորությամբ առողջությանը ծանր վնաս հասցնելը, որը կատարվել է մի խումբ անձանց կողմից)։ Նշենք, որ իրավապահ մարմինները մոտ մեկ շաբաթ է որոնողական աշխատանքներ Էին տանում Արսեն Կարախանյանին հայտնաբերելու ուղղությամբ, սակայն ապարդյուն։ Հիշեցնենք, որ Բեգլարյանի թիկնապահների մասնակցությամբ միջադեպից տուժել Է 5 անձ, որոնցից մեկի վիճակը գնահատվել է ծանր կյանքին վտանգ սպառնացող։ Հարուցված քրեական գործի շրջանակներում կալանավորվել Է 5 անձ, որոնցից երեքը Բեգլարյանի թիկնապահներն են, մեկը նրա վարորդը»,–գրում է թերթը։

Մանրամասները՝ թերթի այսօրվա համարում։

 


Այս թեմայով