Հավատում եմ նրա` բարձրակարգ մասնագետ դառնալու հեռանկարին․ Գեորգի Գրիգորյանը՝ Էմմա Ծառուկյանի մասին

Գեորգի Գրիգորյան

Ս. Վ. Մալայանի անվան ակնաբուժական կենտրոնի անոթային պաթոլոգիայի բաժանմունքի վարիչ, բ.գ.թ., դոցենտ

Շուրջ չորս տարի է, ինչ ճանաչում եմ բժշկուհի Էմմա Ծառուկյանին և կարող եմ նշել, որ դրական կարծիք ունեմ նրա մարդկային տեսակի մասին և հավատում եմ նրա` բարձրակարգ մասնագետ դառնալու հեռանկարին:

Առաջին երեք տարին նա ԵՊԲՀ ակնաբուժության ամբիոնում և մեր բժշկական կենտրոնում սովորել և աշխատել է որպես օրդինատոր: Ուսումնառության տարիներին նա դրսևորել է աշխատասիրություն, սեր դեպի մասնագիտությունը, գործել է որպես պրպտուն բժիշկ, ով հետաքրքրվում է դիագնոստիկայով, վիրաբուժությամբ, երբեք չի խուսափել աշխատանքից, ինչը շատ գովելի է: Վերջին կես տարվա ընթացքում նա իմ ղեկավարած բաժանմունքում աշխատում է որպես բժշկուհի, վարում է հիվանդներ, կատարում է վիրահատություններ, ինչպես նաև զբաղվում է հետազոտական աշխատանքներով, ընդ որում` բարձրակարգ մեթոդներով: Ուզում եմ ողջունել նրա նախաձեռնությունը և մեծամեծ հաջողություններ մաղթել ակնաբուժության ոլորտում:

 


Այս թեմայով