Հասարակության ինչ-որ խավ արյունահեղությունից չի խուսափում. ցանկացած փոփոխություն անփոփոխ ճահճից լավ է. «Հրապարակ»

cuyc_kutakain«Հրապարակ» թերթը գրում է. ««Սասնա ծռերի» հուլիսյան բունտը մի շարք տխուր եզրահանգումների տեղիք տվեց։ Նախ այն, որ հասարակությունն այնքան Է հոգնել ու հուսահատվել, որ իրավիճակից ելքը տեսնում Է զինված հեղաշրջման մեջ և պատրաստ է գնալ «հրացանավոր» մարդու ետևից։ Նաև այն, որ փոփոխությունների պահանջն այնքան կենսական է, որ անգամ մարդկային զոհերը չեն սթափեցնում մարդկանց, և հասարակության ինչ-որ խավ նույնիսկ արյունահեղությունից չի խուսափում։ Հասարակությունը չի հաշտվում։ Ցանկացած հասարակություն ձգտում է ավելի լավ պետություն ունենալ, ավելի բարեկեցիկ կյանքով ապրել, ավելի ազնիվ իշխանություն ունենալ, ավելի զարգացող տնտեսություն։ Հենց այս ձգտմամբ է բացատրվում երեկ որոշ շրջանակներում տիրող Էյֆորիան՝ կապված կադրային խոշոր փոփոխությունների մասին տարածված տեղեկությունների հետ։ Մարդիկ հուզված քննարկում էին հավանական փոփոխությունների թեման՝ դրա հետ կապելով երկրում խոշոր փոփոխությունների հույսը։ Անշուշտ, հիմա մենք հեշտ վիճակում չենք, և պարզ չէ, թե անձերի փոփոխությունն ինչ դրական տեղաշարժերի կարող է հանգեցնել։ Բայց մարդիկ հասկանում են՝ ցանկացած փոփոխություն անփոփոխ ճահճից լավ է»»։

 

Մանրամասները՝ թերթի այսօրվա համարում։

Դիտվել է 85 անգամ
 


Այս թեմայով