Հաջորդ շաբաթվա սկզբում պատրաստվում եմ հանդես գալ մի շատ կարևոր ինստիտուցիոնալ առաջարկով

Հաջորդ շաբաթվա սկզբում ես պատրաստվում եմ «Այլընտրանքային նախագծեր խմբի» անունից հանդես գալ մի շատ կարևոր ինստիտուցիոնալ առաջարկով, բայց երեկ ծավալված քննարկումը ստիպեց մի փոքր չպլանավորված անդրադարձ կատարել մի շարք հեռուստաընկերությունների հեռարձակումներին կամ ավելի ճիշտ կլինի ասել մոնտաժներին։

Միայն երեկ ՀՀԿ-ի համար պարզ դարձավ, որ հանրային հեռուստաընկերության լրատվական ծրագիրը կարող է մոնտաժել, թե հարցը ո՞ր քաղաքական գործիչը տվեց, ի՞նչ հարցրեց, ի՞նչ ելույթ ունեցավ։

Տարօրինակ է, որ նախորդ երկար տարիներին դա չէին նկատում։ Չէին նկատում, որ ընդդիմադիր քաղաքական գործիչների հարցերը, ելույթները, օրենսդրական նախաձեռնությունները հանրային հառուստաընկերությամբ երբևէ չէին հեռարձակվում, որ կար գործիչների հատուկ ցուցակ, ում երբևէ Հ1, Շանթ կամ Արմենիա չէին հրավիրում։ Չգիտեի՞ք դրա մասին։

Բայց դա ամենևին չի նշանակում, որ թույլատրելի է, որ ստեղծվի այդպիսի ցուցակ այսօրվա ոչ իշխանական գործիչների համար։ Երկրում կատարված փոփոխությունները նաև դրա համար են, որ չլինեն սև ցուցակներ։Հակառակ դեպքում կնշանակի կրկնել նույն պրակտիկան, ինչը եղել է նախկինում։ Դա կնշանակի շարունակել ունենալ մեկ աղբյուրից կառավարվող լրատվական դաշտ։

Էլինար Վարդանյան

Այլընտրանքային նախագծեր խումբ

Այս թեմայով


Politik.am is Stephen Fry proof thanks to caching by WP Super Cache