Հայտնվել Է շաքարավազ, որը կապ չունի Սամվել Ալեքսանյանի հետ

Սամվել-Ալեքսանյան1«Վերջին օրերին լուռեր են տարածվում, թե Հայաստանում հայտնվել Է շաքարավազ, որը կապ չունի Սամվել Ալեքսանյանի հետ և ներկրվում Է այլ գործարարի կողմից։Այս մասին հայտարարում են խանութպանները իրենց հաճախորդներին։

Ընդ որում, խանութպանների ասելով այդ շաքարավազը ներկրում Է Գագիկ Ծառուկյանը։ Չնայած այդ լուրերը անհավանական են, բայց այնքան համառ են տարածվում, որ դիմեցինք Ծառուկյանի մամուլի խոսնակ Իվետա Տոնոյանին տեղեկությունը հաստատելու կամ հերքելու առաջարկությամբ։ «Նման բան չկա, Գագիկ Ծառուկյանին պատկանող որևէ ընկերություն շաքարի ներկրմամբ չի զբաղվում»,– ի պատասխան հայտնեց Իվետա Տոնոյանը։ Թե ինչու են ծնվել այդ լուրերը այս պահին դժվար է ասել: Գուցե խանութպանները յուրահատուկ մարկետինգային քաղաքականություն են իրականացնում հաճախորդ գրավելու նպատակով, բայց դժվար թե բոլոր խանութպանները միահամուռ հաճախորդներին նույն բանն ասեն։ Չի կարելի բացառել, որ լուրերի սկզբնաղբյուրը հենց Ալեքսանյանն է, որը ցանկանում է հանրային քննարկումների մակարդակում իրենից վանել շաքարի մոնոպոլիստի կարգավիճակը։ Դե, արդեն մի քանի օր է, Հայաստանում «պայքարում են» մոնոպոլիաների դեմ։ Բայց «անհանգստանալու» կարիք չկա՝ Ալեքսանյանի դիրքերը անսասան են»,–գրում է թերթը։

Մանրամասները՝ Հայկական ժամանակ թերթի այսօրվա համարում։

 


Այս թեմայով