Հայաստանում քրեական աշխարհի «պատերազմ» է սպասվում

FotorCreatedk14Երրորդմասցի Լյովիկի սպանությունից հետո բանտային պատերազմի համար մեծ նախապայմաններ են ստեղծվել:

«Հայկական ժամանակ» թերթը գրում է. «Երբ ս/թ մարտի 4-ին «Նուբարաշեն» քրեակատարողական հիմնարկի մոտակայքում սպանվեց քրեական հեղինակություն Երրորդմասցի Լյովիկը, լրատվական ողջ դաշտը հեղեղվեց հրապարակումներով, թե հաջորդը Քանաքեռցի Տույին են ուզում խփել։ Մամուլում և քաղաքում լուրեր էին շրջանառվում, թե Տույը մեծացրել է իր թիկնազորը, որ պատրաստվում էր իր դեմ հարձակման։

Երրորդմասցի Լյովիկի սպանության մեջ մեղադրվողներ Տլեն, Ծգլը և Գաստիկը ամենևին երկրորդական դեմքեր չեն հանցավոր աշխարհում, էլ չենք ասում, որ ունեն շատ ավելի ազդեցիկ քրեական և մերձքրեական համակիրներ։ Քրեական աշխարհում ամենևին երկրորդական դեմք չէ նաև Տույը։ Ու հիմա ոխերիմ թշնամիները հայտնվել են բանտային պատերից ներս։ Ու եթե հաշվի առնենք, որ այս պատմության մեջ շրջանառվում են նաև այսպես կոչված օրենքով գողերի անուններ (ասում են՝ Օշականցի Գևորիկը դեռ ատամ ունի Տույի վրա, իսկ ամերիկահայ Պզոն, ով սպանված Լյովիկի ազգականն է, մտադիր է վրեժխնդիր լինել նրա սպանության համար), կարող ենք արձանագրել, որ վերը շարադրված իրադարձությունները բանտային պատերազմի մեծ նախապայմաններ են ստեղծել։

Պարզաբանման կարիք ունի նաև Տույին կալանավորելու նպատակը։ Որ Տույը մշտապես իր հետ մեծ քանակությամբ զենք–զինամթերք ունի՝ հասկանալի է։ Բայց հարցն այն է, թե ինչո՞ւ նրան կալանավորեցին հենց հիմա։ Այստեղ մի քանի վարկածներ կարող են լինել. դրական, բացասական և չեզոք»:

Մանրամասները՝ սկզբնաղբյուր կայքում

Դիտվել է 467 անգամ
 


Այս թեմայով