Հայաստանում ճանապարհի հարկ է սահմանվել

«Հայկական Ժամանակ»-ը գրել է.

«Այս տարվա հունվարի 1-ից ուժի մեջ մտած «Հարկային օրենսգրքով» սահմանվել է նոր հարկատեսակ՝ ճանապարհային բեռնատարների համար։ Այդ հարկի գանձման գործընթացը լիակատար անակնկալ է եղել բեռնափոխադրողների համար։Արեն մի քանի օր է՝ անցակետերում կուտակվել են բազմաթիվ բեռնատարներ, որոնք իրենց բեռները փոխադրելու ծախսերի մեջ այս նոր հարկատեսակը չեն ներառել։ Իսկ գանձվելիք վճարները բավականին բարձր են։

Մասնավորապես Հայաստանում չհաշվառված մինչև 10 տոննա տարողությամբ բեռնատարները կես ամսվա համար պետք է վճարեն 25-65 հազար դրամ, 10-ից մինչև 60 տոննա՝ 80-205 հազար դրամ…։

Հայաստանում հաշվառված բեռնատարների համար հարկատեսակի դրույքաչափերն ավելի մեղմ է և վճարվում է մեկ տարվա համար։ Այն մեքենաները, որոնք հաշվառված են ՀՀ-ում, պետք է ամեն տարի ճանապարհային հարկ վճարեն ստորև ներկայացված չափով. մինչև 20 տոննա առավելագույն ծավալով մեքենաների համար՝ անվճար, 20-ից մինչև 25 տոննա՝ 120 հազար դրամ, 25-ից մինչև 30 տոննա՝ 240 հազար դրամ, 30-ից մինչև 35 տոննա՝ 360 հազար դրամ, 35 տոննայից ավելի դեպքում՝ 480 հազար դրամ»։

Այս թեմայով