Համայնքի ղեկավարը դիմում է ներկայացրել և մեկնել Ռուսաստանի Դաշնություն՝ արտագնա աշխատանքի. «Ժողովուրդ»

Բայսըզ_գյուղի_ձորակը«Արագածոտնի մարզի Օթևան գյուղում տեղի ունեցածը թերևս խորհրդանշական է Հայաստանի ներկա վիճակի համար։ Մինչև վերջերս այս համայնքի ղեկավարի պաշտոնը զբաղեցնող Բրո Ֆատոյանը հրաժարականի դիմում է ներկայացրել և մեկնել Ռուսաստանի Դաշնություն՝ արտագնա աշխատանքի։ Արդյունքում հուլիսի 3-ին այս համայնքում, որը շատ փոքր թվով բնակիչներ ունի, պետք է տեղի ունենան համայնքի ղեկավարի ընտրություններ։ «Ժողովուրդ»–ը պարզեց, որ ընդամենը տասնութ ընտրող ունեցող այս համայնքում գյուղապետի պաշտոնի համար առաջադրված թեկնածուներն էլ հարս ու տեգր են։ Մասնավորապես գյուղապետի թեկնածու են առաջադրվել Ջամալ Սալմոյանը և Գոհար Սայադյանը։ Վերջինս Ջամալ Սալմոյանի եղբոր կինն է։ Ներընտանեկան «պայքարի» պատճառը ՀՀ ընտրական օրենսգիրքն է։ Համայնքի ղեկավարի մեկ թեկնածու առաջադրվելու դեպքում ընտրությունները չեղյալ կհայտարարվեն, և կնշանակվի նորը։ Այս արգելքը շրջանցելու համար համայնքներում վաղուց կիրառվում է «դրածո» թեկնածուի համակարգը»,–գրում է թերթը։
Մանրամասները՝ թերթի այսօրվա համարում։

Դիտվել է 149 անգամ
 


Այս թեմայով