Կարեն Կարապետյանը կարող է դառնալ ՀՀԿ անդամ. «ՀԺ»

A8B43909-DE8E-487D-92A9-E916E2B1078B_cx0_cy10_cw0_w987_r1_s_r1«Հայկական ժամանակ» օրաթերթի տեղեկություններով, իշխանության ներկայացուցիչները չեն բացառում, որ վարչապետ Կարեն Կարապետյանն իր թիմակից անկուսակցական նախարարների հետ միասին նոյեմբերի 26-ի սպասվող ՀՀԿ համագումարի ժամանակ կմտնի Հանրապետական կուսակցություն:

«ՀՀԿ-ին անդամակցելու դեպքում Կարեն Կարապետյանը կարող է հայտնվել կուսակցության ղեկավար կազմում և կդառնա փոխնախագահ: Որոշ տեղեկությունների համաձայն՝ վարչապետը չի շտապում ՀՀԿ-անալ, բայց այդ սպասումները նրանից ունի ՀՀԿ վերնախավը:

Եվ եթե նա այս տարի չմտնի կուսակցություն, ապա մինչև հաջորդ տարվա խորհրդարանական ընտրությունները անպայման մտնելու է:

Երեկ մենք փորձեցինք ՀՀԿ մամուլի խոսնակ Էդուարդ Շարմազանովից պարզել, թե Կարեն Կարապետյանին կուսակցությանն անդամակցելու առաջարկ եղե՞լ է:

«Դա պարոն Կարապետյանի և կուսակցության քննարկելու հարցն է: Մինչև նոյեմբերի 26-ը ժամանակ կա, դանդաղ շտապեք, այդ օրը կգա, և եթե մտնի, մի զարմացեք, եթե չմտնի, էլի մի զարմացեք: Անկախ այն հանգամանքից՝ նա կուսակցական է, թե՝ ոչ, մեր քաղաքական թիմի անդամ է»,- պատասխանեց Շարմազանովը»:

 

Մանրամասները՝ թերթի այսօրվա համարում

Դիտվել է 141 անգամ
 


Այս թեմայով