Home » ՄԱՄՈՒԼ » Ծառուկյանն իր ստորագրությունը դրեց ՀՀԿ խորհրդի գնահատականների տակ

Ծառուկյանն իր ստորագրությունը դրեց ՀՀԿ խորհրդի գնահատականների տակ

sharm««Այո, ես ծանոթացել եմ նշյալ անձի ելույթին եւ հերթական անգամ արձանագրել եմ. որ ինքը կարդում է այլ ուժերի կողմից իրեն հրամցված տեքստը: Ավելին ՝ չգիտակցելով, չհասկանալով, թե ինչ է կարդում»,-«Առավոտի» հետ զրույցում այսպես արձագանքեց ՀՀ Աժ փոխնախագահ Էդուարդ Շարմազանովը հարցին ՝ կարդացե՞լ է ԲՀԿ առաջնորդի պատասխան ելույթը եւ ի՞նչ մեկնաբանություններ ունի:

«Բայց եթե նույնիսկ գիտակցել է, ապա շատ ավելի վատ իր համար, որովհետեւ նույն այդ տեքստում ինքն ընդունում է բոլոր այն մտքերը, որոնք նախօրեին հնչեցին ՀՀԿ խորհրդի նիստում»,-շարունակեց մեր զրուցակիցը՝ նկատի ունենալով այն, որ Գագիկ Ծառուկյանն իր պատասխանը սկսել էր «ես դասական իմաստով քաղաքական գործիչ չեմ» արտահայտությամբ։ «Շատ շնորհակալություն ՀՀԿ խորհրդի գործընկերների կարծիքի հետ համաձայն լինելու համար: Ակնհայտ է, որ Գագիկ Ծառուկյանն ընդունում է մեր ասածները: Իսկ մեր ասածներն այլ բան չեն. քաղաքականությամբ պետք է զբաղվեն քաղաքական գործիչները, չի կարող երկրորդ քաղաքական ուժի ղեկավարը լինել ոչ քաղաքական գործիչ, եթե լավ գործարար է, պետք է բիզնեսով զբաղվի: Արձանագրում եմ, որ Ծառուկյանն իր ստորագրությունը դրեց ՀՀԿ խորհրդի գնահատականների տակ»»,–փոխանցում է թերթը։
Ամբողջությամբ՝ «Առավոտ» թերթի այսօրվա համարում։

Դիտվել է 31 անգամ
Untitled-1 copy - Copy - Copy