Home » ՆԵՐՔԻՆ ԿՅԱՆՔ » Ծառուկյանը Արթուր Հարությունյանին հանդիպելու ցանկություն չունի. բարեգործական ավտոբուսները ավելացվել են

Ծառուկյանը Արթուր Հարությունյանին հանդիպելու ցանկություն չունի. բարեգործական ավտոբուսները ավելացվել են

75Աբովյանի քաղաքապետի նախկին թեկնածու Արթուր Հարությունյանին (Պալաչ) պատկանող «Քինգ դե լյուքս» ընկերությունն արդեն մի քանի ամիս է, ինչ սնանկ է ճանաչվել: Ընկերությանը սնանկ ճանաչելու պահանջով դատարան է դիմել «Առէկսիմբանկ»-ը: Այժմ բանկը հավաքագրում է ընկերության գույքը, եւ առաջիկայում տեղի կունենա դրա աճուրդը:

Այս օրերին որոշ լրատվամիջոցներ հրապարակում են լուրեր, որ «Գագիկ Ծառուկյան» բարեգործական հիմնադրամի անվճար ավտոբուսները իրականում «Քինգ դե լյուքս» ընկերության սնանկացման համար են գործել: Իսկ իրականությունն այն է, որ «Գագիկ Ծառուկյան. հիմնադրամի բարեգործական ավտոբուսները արդեն երկար ժամանակ է ինչ օգնության են հասնում քաղաքացիներին: Ինչպես մեզ հետ զրույցում տեղեկացրեց հիմնադրամի տնօրեն Իվետա Տոնոյանը, այդ ավտոբուսները գործել են ավելի քան 10 տարի առաջ.«Այս օրերին էլ քաղաքացիներին պատճառվող անհարմարությունները պակասեցնելու համար հիմնադրամը ավելացրել է իր ավտոբուսների թիվը, որպեսզի մարդիկ չմնան ճանապարհին»,-ասաց Իվետա Տոնոյանը:

Իսկ տարածվող այն լուրերի մասին, ըստ որոնց Արթուր Հարությունյանը ամեն կերպ փորձում է հանդիպել Գագիկ Ծառուկյանին, Իվետա տոնոյանն ասաց.«Պարոն Ծառուկյանը Արթուր Հարությունյանին ո՛չ տեսնելու եւ ո՛չ էլ հանդիպելու ցանկություն ունի»:

Դիտվել է 264 անգամ
Untitled-1 copy - Copy - Copy