Լրագրողից գումար շորթած անձնավորության հետ վաղուց չենք համագործակցում. Իվետա Տոնոյան

իվետաՀայկ Վարդանյան անուն–ազգանունով քաղաքացին, ում Tert.am կայքի լրագրող, կինովավերագրող Վարդուհի Սիմոնյանը մեղադրում է իրենից գումար շորթելու մեջ, «Կենտրոն» հեռուստաընկերության հետ առնչություն չունի: Tert.am-ի հետ զրույցում ասաց «Կենտրոն» հեռուստաընկերության «Էպիկենտրոն» լրատվական թողարկման տնօրեն Իվետա Տոնոյանը՝ անդրադառնալով լրագրողի ֆեյսբուքյան գրառմանը։

Իվետա Տոնոյանն ասաց, թե Վարդուհի Սիմոնյանի գրառումից է իմացել այն մասին, որ Հայկ Վարդանյանը գումարներ է շորթել, ինչը տհաճ անակնկալ է եղել իրենց համար: Ապա Տոնոյանը շեշտեց, որ Հայկ Վարդանյանը երբևէ չի հանդիսացել «Կենտրոն» հեռուստաընկերության աշխատակից:

Իվետա Տոնոյանի խոսքով՝ Վարդանյանի ընկերության հետ եղել է համագործակցություն հաղորդումների վաճառքի մասով. «Այսինքն՝ մենք իրենց ընկերությունից գնել ենք պատրաստի պրոդուկտ, պատրաստի հաղորդումներ, այն էլ՝ վաղուց, նախորդ տարի մեր համագործակցությունն ավարտվել է. այդ հաղորդումն այլևս չկա: Այնպես որ, եթե Հայկ Վարդանյանը խարդախ է կամ դրամաշորթ, «Կենտրոն» հեռուստաընկերության հետ առնչություն չունի»,– ասաց նա:

 

Իվետա Տոնոյանն ասաց, որ Հայկ Վարդանյանը չունի վկայական կամ անցաթուղթ՝ «Կենտրոն» հեռուստաընկերությունում աշխատելու վերաբերյալ:

 

Հիշեցնենք, որ Վարդուհի Սիմոնյանը տեղեկացրել էր, որ «Կենտրոն» հեռուստաընկերությունից ներկայացող Հայկ Վարդանյանը «տասնյակ անձանցից, այդ թվում և լրագրողներից, շորթում է գումարներ` ստելով, թե նրանց եվրոպական ուղևորությունների է տանելու և անհետանում: «Էլի, ինչ-որ կերպ կհասկանայի, եթե մարդն ասեր, թե գլխին մի օյին է եկել կամ թեկուզ խաղամոլ, կամ թմրամոլ է: Բայց գետնի տակից հայտնվելուց հետո դեռ ինքն է մուննաթ գալիս ու սպառնում իմ անվտանգությանը և որ ամենավտանգավորն է` թակարդը լարած` փնտրում նորանոր զոհերի»,– գրել էր լրագրողը:

 

Դիտվել է 121 անգամ
 


Այս թեմայով