Home » ՄԻՋԱԶԳԱՅԻՆ » Ժնևում ավարտվել է Սիրիայի շուրջ բանակցությունների առաջին փուլը

Ժնևում ավարտվել է Սիրիայի շուրջ բանակցությունների առաջին փուլը

Սիրիայում պատերազմող կողմերի միջև խաղաղության բանակցությունների առաջին փուլն ավարտվել է ուրբաթ օրը Ժնևում առանց նշանակալի առաջընթացի: Առաջին փուլի ընթացքում սակայն հնարավոր եղավ հիմք ստեղծել՝ բանակցությունները շարունակելու համար:

ՄԱԿ-ի միջնորդ Լախդար Բրահիմին «զարգացնելու հնարավորություն ընձեռող համեստ սկիզբ» է գնահատել ամբողջ շաբաթվա ընթացքում անցկացված բանակցությունները՝ տեղեկացնելով, որ բանակցող կողմերի միջև մնում են խորը տարաձայնություններ բոլոր հարցերում՝ սկսված հակամարտության դադարեցման խնդրից մինչև պաշարված տարածքներ մարդասիրական օգնության առաքումը:

Բրահիմիի համաձայն, բանակցությունների հաջորդ փուլն ամենայն հավանականությամբ կմեկնարկի փետրվարի 10-ին՝ կախված Սիրիայի կառավարության համաձայնությունից:

Սիրիայի արտգործնախարար Վալիդ ալ-Մուալեմը սակայն ասել է, որ իր կառավարության պատվիրակությունն անմիջապես չի հաստատի մասնակցությունը հետագա բանակցություններին՝ առանց նախագահ Բաշար ալ-Ասադի լրացուցիչ հրահանգների:

Դիտվել է 22 անգամ
Untitled-1 copy - Copy - Copy