Home » ՆԵՐՔԻՆ ԿՅԱՆՔ » Ժամանակն է, որ Արցախը նստի բանակցային սեղանի շուրջ և ներկայացնի իր շահերը. Ջոն Էվանս

Ժամանակն է, որ Արցախը նստի բանակցային սեղանի շուրջ և ներկայացնի իր շահերը. Ջոն Էվանս

47376Հայաստանում ԱՄՆ նախկին դեսպան Ջոն Էվանսը, ով այս օրերին գտնվում է Արցախում, «Արցախպրես»-ի հետ զրույցում ասել է՝ Ժամանակն է, որ Արցախը նստի բանակցային սեղանի շուրջ և ներկայացնի իր շահերը։ Ստորև ներկայացնում ենք հարցազրույցը:

– Պարոն դեսպան, ինչպե ՞ս ստացվեց, որ այցելեցիք Արցախ:

– Ես այստեղ եմ «Հայաստանի մանուկներ» հիմնադրամի հիմնադիր խորհրդի ատենապետ, դոկտոր Կարո Արմենի հրավերով: Թեև թողել եմ դեսպանի պաշտոնը, սակայն չէի կարող մերժել Կարո Արմենի հրավերը` հատկապես, որ ապրիլյան պատերազմը իմ մեջ ցանկություն էր առաջացրել այցելել Արցախ և տեղում ծանոթանալ իրավիճակին և որոշել, թե ինչպես կարելի է հիմնադրամի ծրագրերը բերել ու իրականացնել այստեղ:

-Որպես ամերիկացի դիվանագետ՝ ի՞նչ եք կարծում ղարաբաղյան հիմնախնդրի շուրջ ընթացող բանակցային գործընթացի մասին: Ի՞նչ է անհրաժեշտ լուրջ առաջընթաց ունենալու համար:

– Ես ուղղակիորեն չեմ մասնակցում բանակցային գործընթացին, սակայն ուշադիր հետևում եմ: Մեծ հարգանք ունեմ պարոն Ուորլիքի նկատմամբ: Միշտ հետևում եմ բանակցություններին, որոնք վարում են իմ գործընկերները` այդ թվում նաև ՌԴ արտգործնախարար պարոն Լավրովը, ով միշտ շեշտում է, որ հիմնախնդիրը պետք է լուծվի խաղաղ ճանապարհով: Անձամբ ես այն կարծիքին եմ, որ Արցախի Հանրապետությունը պետք է արդեն բանակցային սեղանին շուրջ նստի` որպես անկախ պետություն և ներկայացնի իր շահերը: 1994 թվականին ստորագրված զինադադարի համաձայնագրի տակ Արցախը, որպես բանակցությունների լիարժեք կողմ, նույնպես դրել է իր ստորագրությունը:

Կարծում եմ՝ ճիշտ ժամանակն է, որ Արցախը նույն ձևաչափով կրկին միանա բանակցային գործընթացին և ունենա մասնակցության իր բաժինը: Միայն այդ պարագայում կապահովվեն առաջընթացի պայմաններ:

Դիտվել է 47 անգամ
Untitled-1 copy - Copy - Copy