Home » ՔՈ ԽՈՍՔԸ » Թե ինչպես է Գարեգին Բ-ն լռեցրել իրեն հարց տվող ուսանողին

Թե ինչպես է Գարեգին Բ-ն լռեցրել իրեն հարց տվող ուսանողին

Armenian Patriarch Gives Speech On Religious Freedom In WashingtonՈւսանողների մի մեծ խմբով այցելել էինք Էջմիածնի մայր տաճար՝ հանդիպելու Ամենայն Հայոց Հայրապետին:
Հանդիպման ընթացքում հնարավորություն տրվեց ուսանողներին՝ հարցեր ուղղել Գարեգին Բ-ին:
Այդ տարիներին մի քանի հայտնի օլիգարխներ և կասկածելի հեղինակություն ունեցող մեծահարուստներ, ամեն մեկն իր վարչական տարածքում, կառուցում էին եկեղեցիներ:
Երբ հարց տալու հերթը հասավ ինձ, զգացի, որ հուզվում եմ, այնուամենայնիվ՝ համարձակությունս ներեց ու Գարեգին Բ-ին հարցրեցի, թե՝ նկատի ունենալով, որ այժմ միայն վերը նշված անձինք են կառուցում եկեղեցիներ, կարո՞ղ ենք ենթադրել, որ հին ժամանակներում նույնպես այդպես է եղել, և այդ հին ժամանակների իշխանները, օլիգարխները, կասկածելի հեղինակություն ունեցող անհատներն են կառուցել մեր եկեղեցիները…
Վեհափառ Հայրապետը մի պահ լռեց, և ցածր ձայնով ասաց. Լռի´ր, երիտասարդ, լռի´ր…
Ի հարկե, լռեցի, թեև ցանկանում էի նաև հարցնել, թե, այնուամենայնիվ, որտե՞ղ են ապրել այդ եկեղեցիները հաճախող ու մոմ վառող մարդիկ, և ի՞նչ են եղել նրանց տները…
Հա, չմոռանամ ասել, որ Մոսկվայում երեկ նոր հայկական եկեղեցու բացում էր…

Նորայր Նորիկյան

Դիտվել է 1,278 անգամ
Untitled-1 copy - Copy - Copy