Թերսնուցվող մարդկանց թիվն ավելացել է

Վիճակագրությունը ցույց է տալիս, որ 2016 թվականին 2015-ի համեմատ, թերսնուցվող մարդկանց թիվն աշխարհում ավելացել է 38 մլն-ով և կազմում է 815 մլն:Այս մասին այսօր լրագրողների հետ հանդիպմանն ասաց Պարենի և գյուղատնտեսության կազմակերպության գլխավոր տնօրենի օգնական Վլադիմիր Ռախմանին:

Նրա խոսքով սա առաջին հերթին պայմանավորված է հակամարտություններով, բնական բացասական երևույթներով ու կլիմայի փոփոխությամբ:

«Համոզված ենք, որ մինչ 2030 թվականն ի վիճակի ենք արմատախիլ անելու թերսնուցումը, բայց դրա համար անհրաժեշտ է համախմբել, բոլորի ջանքերը, ովքեր հանդես են գալիս պարենային անվտանգության խնդիրներով»,- ասաց նա:

Ռախմանինը հավելեց, որ այդպիսի դրական համագործակցության օրինակ է Հայաստանը, որը նպաստում է պարենային անվտանգության ապահովմանը թե Հայաստանում, թե տարածաշրջանում:

 


Այս թեմայով