Գյումրիում նոր կուսակցությո՞ւն կհիմնադրվի

Gumri«Ընտրական նոր օրենսգրքում կամրագրվի ՀՀ խոշոր քաղաքներում ուղղակի ընտրությունները վերացնելու դրդւյթը։ Հունիսին կընդունվի նոր ԸՕ-ն, իսկ սեպտեմբերին Գյումրիում և Վանաձորում քաղաքապետին կընտրեն այնպես, ինչպես Երևանում Է։ Ժողովուրդը կընտրի ոչ թե քաղաքապետ, այլ ընտրություններին հայտ ներկայացրած կուսակցական ցուցակներից ավագանի, որի կազմից Էլ կընտրվի քաղաքապետ։ Նշված քաղաքներում արդեն քաղաքական խլրտոցներ կան, անկուսակցականները քաղաքական հենարանի փնտրտուքների մեջ են, բանակցում են ակտիվ կուսակցությունների հետ, որպեսզի կուսակցական ցուցակով հնարավորություն ունենան մասնակցել ընտրություններին։

 Օրինակ, մեր տեղեկություններով, Վանաձորի քադաքապետի ընտրություններին մասնակցելու մտադրություն ունեցող Քրիստ Մարուքյանը եղբոր՝ Աժ պատգամավոր Էդմոն Մարուքյանի «Լուսավոր Հայաստանի» ցուցակով կմասնակցի։ Իսկ Գյումրիում խոսում են, որ քաղաքի խնդիրներով մտահոգ ակտիվ հանրույթը որոշել է նոր կուսակցություն հիմնել, նախաձեռնողների շարքում հնչում են «Ասպարեզ» ակումբի ղեկավար Լևոն Բարսեոյանի և ԳԱԼԱ հեռուստաընկերության նախագահ Վահան Խաչատրյանի անունները։ «Գյումրին ունի բազում խնդիրներ, մեր հեռուստաընկերությունում ձևավորվել է մարդկանց մի խումբ, ովքեր զբաղվում են այդ խնդիրները լուծելով, բայց այդ համակարգող կենտրոնը քաղաքական գործընթացների հետ գործ չունի»,– իր քաղաքական պլանների մասին այսպես պատասխանեց Վահան Խաչատրյանը։ Իսկ մտադրություններ կան քաղաքական կյանքին մասնակից դառնալու։ «Դրա մասին խոսելը դեռ վաղ է, որովհետև դեռևս կոնկրետ գործընթացներ չկան, երբ կլինի նոր Ընտրական օրենսգիրքը, նոր կարելի է այդ մասին խոսել»»,–գրում է թերթը։

Մանրամասները՝ <Հրապարակ> թերթի այսօրվա համարում։

 


Այս թեմայով