Աննա Հակոբյանի դերը Լևոն Մնացականյանի պաշտոնանկության հարցում

Այսօր պաշտոնապես հաստատվեց  Արցախի ՊԲ հրամանատար Լևոն Մնացականյանի պաշոնանկության մասին լուրը, չնայած այն հանգամանքին, որ Արցախի պաշտոնական աղբյուրները լռում էին կամ հերքում լուրը։

Այն, որ Լևոն Մնացականյանի պաշտոնանկությունը Հայաստանի նոր իշխանությունների պահանջն է եղել աներկբա է։ Դա հաստատում են մի քանի փաստեր։ Նախ Լևոն Մնացականյանը ինքը տեղյակ չէր իր հրաժարականի մասին։ Արցախի ՊԲ հրամանատարի պաշտոնանկության մասին չգիտեր նաև նախագահ Բակո Սահակյանը, քանի որ նրա մամուլի խոսնակ Դավիթ Բաբայանը երկու օր առաջ պնդում էր, որ նման բան չկա և լրագրողներին հորդորում էր հետևել Արցախի նախագահի պաշտոնական կայքին, որպեսզի ապատեղեկատվություն չտարածեն։

Լևոն Մնացականյանի հրաժարականը հետաքրքիր կերպով ցույց տվեց Հայաստանի նոր իշխանությունների ներքին խոհանոցը։ Բան այն է, որ լուրը առաջինը հրապարակվել էր վարչապետի ժամանակավոր պաշտոնակատար Նիկոլ Փաշինյանի տիկին Աննա Հակոբյանի «Հայկական ժամանակ» օրաթերթում։

Փաստորեն, վարչապետի տիկինն Արցախի ՊԲ հրամանատարի պաշտոնակության մասին լուրը գիտեր ավելի վաղ, քանի ՊԲ հրամանատար Լևոն Մնացականյանն անձամբ։ Ավելին Աննա Հակոբյանն այդ մասին իմացել է ավելի վաղ քան անգամ Արցախի նախագահ Բակո Սահակյանը։ Արցախի նախագահը Լևոն Մնացականյանի պաշտոնակության մասին իմացել է երեկ երեկոյան, երբ Երևանում հանդիպել է Հայաստանի վարչապետի ժամանակավոր պաշտոնակատար Նիկոլ Փաշինյանի հետ։

Դատելով այս ամենից և դիտարկելով Աննա Հակոբյանի արտաքին քաղաքական վեկտորում Արցախի հարցում ակտիվ նախաձեռնողական քայլերը, կարելի է եզրակացնել, որ նա չի բավարարվում իր սիմվոլիկ առաջին տիկնոջ դիրքով և ակտիվորեն մասնակցում է որոշումների կայացմանը։ Այս դեպքում լավ կլինի սահմանադրական փոփոխություններ իրականացվեն և Սահամանդրությամբ ամրագրվի առաջին տիկնոջ ինսիտուտը, տրվի պաշտոնական լիազորություններ և հնարավորություններ, որպեսզի ամեն բան հասկանալի լինի։

Այս թեմայով