Home » ՆԵՐՔԻՆ ԿՅԱՆՔ » Այս օրերին գրվում են մեր պատմության ոսկետառ էջեր. Միքայել Մինասյանը՝ Հռոմի պապի այցի մասին

Այս օրերին գրվում են մեր պատմության ոսկետառ էջեր. Միքայել Մինասյանը՝ Հռոմի պապի այցի մասին

470762015թ. ապրիլի 12-ին հինավուրց ժողովրդի պատմության փայլուն էջ գրվեց, 2016 թվականի հունիսի 24-26-ին էլի գրվում են ոսկետառ էջեր:

Այս մասին, Aysor.am-ի թղթակցի հետ զրույցում ասել է Վատիկանում Հայաստանի դեսպան Միքայել Մինասյանը:

Անդրադառնալով 2015թ.-ին Սուրբ Պետրոսի տաճարում Հռոմի Սրբազան Քահանայապետի կողմից ի հիշատակ Հայոց ցեղասպանության զոհերի մատուցած պատարագին՝ դեսպան Մինասյանը նշել է. «Հարյուրամյակներ անց էլ հայ փոքրիկները կսերտեն իրենց ժողովրդի հազարամյա պատմության էջերը, կկարդան 2015 թվականի ապրիլի  12-ի մասին, Ֆրանցիսկոս պապի մասին և այդ անունը իրենց սրտերում կգրեն, ինչպես մենք ենք արել այսօր: Արարատին նայելիս գալիք սերունդները կշարունակեն տեսնել Խոր Վիրապը, կշարունակեն խոնարհվել Գրիգոր Լուսավորչի բերած լույսի առաջ և մտովի կպատկերացնեն Ֆրանցիսկոս պապի և Ամենայն Հայոց Գարեգին Երկրորդ կաթողիկոսի ձեռամբ թռած աղավնիները, կհիշեն Նոյի՝ կյանք բերող աղավնիներին ու կշարունակեն մեր ժողովրդի պատմությունն այնպես, ինչպես ժառանգություն են ստացել հազարամյակների խորքից»:

Նշենք, որ Հռոմի Պապը Հայաստանում է գտնվում եռօրյա այցով: Առաջին օրը Հռոմի Պապը ՀՀ նախագահ Սերժ Սարգսյանի հետ հանդիպման ժամանակ վերահաստատել է իր դիրքորոշումը՝ 1915 թվականի դեպքերն անվանելով ցեղասպանություն:

Հունիսի 25-ին Երեւանի Հանրապետության հրապարակում Գարեգին Բ-ի եւ Հռոմի Պապի մասնակցությամբ տեղի է ունեցել էկումենիկ արարողություն եւ խաղաղության աղոթք: Նույն օրը՝ ավելի վաղ, Հռոմի Ֆրանցիսկոս Պապը Գյումրիի Վարդանանց հրապարակում մատուցեց Սուրբ պատարագ՝ լատինական ծեսով:

Այսօր նրա այցի վերջին օրն է: Պատարագից հետո Սրբազան քահանայապետը մտադիր է այցելել Խոր Վիրապի սրբավայր, որտեղ ճգնել է Գրիգոր Լուսավորիչը:

Հռոմի Պապը՝ Հայաստան այցի շրջանակներում, այցելել է Ծիծեռնակաբերդի հուշահամալիր եւ սպիտակ վարդեր խոնարհել Հայոց ցեղասպանության զոհերի հիշատակին:

Դիտվել է 107 անգամ
Untitled-1 copy - Copy - Copy