ՄԱԿ-ին առընթեր ԱՄՆ-ի մշտական ներկայացուցչի տեղակալ Ջոնաթան Քոենը ՄԱԿ-ի Անվտանգության խորհրդի նիստում հայտարարել է, որ ԱՄՆ-ը հակառուսական պատժամիջոցները կպահպանի այնքան ժամանակ, քանի դեռ Ղրիմը չի վերադարձել Ուկրաինայի կազմ:
Նրա խոսքով՝ ԱՄՆ-ը «չի պաշտպանում և երբեք չի պաշտպանի» Ղրիմի միացումը Ռուսաստանին:
Չորս տարի առաջ ստորագրված Մինսկի համաձայնագրերի քննարկման ընթացքում նա նաև Մոսկվային կոչ է արել ամբողջությամբ կատարել պայմանավորվածությունները:
«Հենց Ռուսաստանը պետք է վերջ դնի հակամարտությանը», — ասել է նա:
Քոենը նաև պնդել է, որ Դոնբասում գտնվում են ռուս զինվորականներ և ռուսական զենք:
