ԱԻՆ. Նախնական տվյալներով՝ Վերին Լարսի անցակետը փակ կլինի մոտ մեկ շաբաթ

Վերին ԼարսԱրտակարգ իրավիճակների նախարարությունը, վկայակոչելով Վրաստանի ներքին գործերի նախարարության արտակարգ իրավիճակների դեպարտամենտը, տեղեկացնում է, որ քարաթափման հետևանքով ժամանակավորապես փակվել է Վերին Լարսի անցակետը:

Նախնական տվյալներով՝ անցակետը փակ կլինի մոտ մեկ շաբաթ:

Նախարարությունը նշում է, որ փակ անցակետում կուտակված մեքենաները հնարավորության դեպքում կարող են ճանապարհը շարունակել լաստանավերով` Փոթիի և Բաթումիի նավահանգիստներից:

«Թերեք գետի մակարդակի բարձրացման հետևանքով առկա է ջրածածկման վտանգ», — ասված է հաղորդագրությունում:

Դիտվել է 177 անգամ
 


Այս թեմայով